2019年9月8日 星期日

可以俾家長鬆一鬆的地方

因為個女鍾意peppa pig,所以去了Mega Box見d豬,行到攰,我地就去左熊小館食個tea,因為鍾意佢有個corner,有圖書有玩具,而且乾淨企理,個女可以去獨自享樂或同其他小朋友玩

咁岩又有溜冰場位,個女一邊歎茶,一邊睇人溜冰,我諗我要儲定錢俾佢學,呢個觀景位超正,因為佢掛住睇,我又可以自由下

我地簡單輕食左一下,老公最愛羅宋湯,所以叫左個烤雞羅宋湯螺絲粉,湯正常,螺絲粉要表揚下,因為夠晒彈,唔係係over cook

我就叫烤棉花糖吐司,超正,包烘得脆脆,棉花糖又外脆內creamy,朱古力醬和煉奶的份量又不多不少,令口感和味道提升

個女又叫我今個星期再去睇peppa同食糖糖包,其實係佢想食包吧