《自家私房菜@道家》

NAN佬朋友婚後都仲舉辦下兄弟姊妹活動，今次叫做撘上撘有得出席，雖然未齊人，但都迫爆個鏡頭。

道家為我們準備泰式生蝦刺身，講真沒難度，只要去九龍城買個汁便可，只計生蝦，成本身HKD40-60，真的抵食過出去食。

姊妹其中一人是空姐，她空運了袋鼠扒到港，由道家烹調。

煎這個是本身醃好味，不SO，似牛肉，口感佳。

有些沒有醃過的，就紅酒炆，果真好SO，我們下次應該先出一出水先，再炆，應該會更好。我想講討厭食紅蘿蔔的我，覺得舊紅蘿蔔好正！

限量日式茶碗蒸，5隻蛋+1小盒史云生清雞湯是最滑，最合味道。

忌廉南瓜湯，口感不夠滑，可能個BLENDER不夠勁力。

仲有沙律菜，適合食草人士。

我嘛！就是準備雞卷，不過切得好樣衰，因是卓SIR切的…

卓SIR兩公婆都整了好多美食，例如這碟星洲炒米，我一路食，一直以為它是天使麵囉！因為個麵質幾QQ架！

自家制鹽焗雞，認真好味！我仲搶到我最LIKE的雞翼尖，哈哈！

仲有沙律，本來是林老闆提供新鮮生果，但沒誠意的他又不提前買，並雪入雪櫃，唯有變成薯仔沙律…

甜品有蘋果派，有好香的肉桂味，我好鍾意。

阿明就提供一隻皇帝蟹，它個SIZE大過我個頭，超鮮甜，只要解凍就食得，方便。

阿LING就整薑汁芥蘭，好薑，我本身不太食芥蘭，但都夾了幾次食。

姊妹團提供法國海杏仁刺身，我們根本開不到，最後用水滾熟，講真口感好UN，好SALTY，仲好鬼多沙…

涼拌茄子，賣相和味道都幾好，但如果可以辣多少少會更好。

飯局已過，我到現在都不知姊妹們個名，只是認得她們個樣，希望下次再攪類似的活動，一來不用太味精，二來氣氛WARM一點，開心點。

透過這次的入廚樂，發現道家都是個識食，仲要識煮，所以成日都覺得他是筍盤。

純粹個人分享，信不信由你。
歡迎留言或EMAIL我capri_yu@yahoo.com.hk