自從魚子醬的出現，每次發出都會特別留意該店是否適合小孩出現。水松見是間坐得闊落的放題，亦有BB CHAIR，有BB的你，又想食放題時，可以考慮到此。
價位又合理，食物質素又超出比平時去開旺角尖沙咀食的好。
今次我仲食個時令推介，只要HKD228就可以食到2.5小時任食生蠔放題，愛食生蠔的人，絕對不要錯過。
因為蠔肥美又大隻，鮮甜又不鯹，仲有開蠔開得好，沒蠔殼入口。
仲加送新鮮蒸氣海鮮火鍋，海鮮天天不同，但新鮮可口，可惜不是任食的。
但火鍋的肥牛蔬菜烏冬就可以任食，我和老公成個鍋最愛個烏冬，因為食得出個烏冬是堅韌，有咬口，而且受收了海鮮的精華，就特別甜。
刺身點了三文魚，油甘魚，北寄貝，甜蝦，赤貝，榮螺。樣樣都好，有一定水準，但是我特別推介要食他們家的甜蝦，因為特別大隻，又JUICY。就連不太食刺身的老公，也開口要ENCORE。
另外，推介一試清酒煮蜆，除了有香的清酒味外，最LIKE它有海帶。
炸蝦天婦羅，雖然不是大SIZE，但是個粉皮香脆，兼薄皮，味道不錯。
甜甜的燒菠蘿，一塊一啖，大小適中。
蘆薈沙律，蘆薈大大粒，好有口感。
味附螺肉，口感QQ的，而且個醬的甜辣味剛好。
沒有留言:
張貼留言