《意外收獲@隱家拉麵工場》

自從嫁人後，少行了西九龍中心，上星期上去覓食，行過人煙稀少的7/F蘋果商場。

發現有間好隱蔽下的食肆，叫做隱家拉麵工場，上網SEARCH個食評都幾好，所以入去試下。

講真個裝修是幾有特色，但不是太好坐，因為CHAIR有點高，1.7米的我都吊腳…

MENU好簡單，就是只有3個選擇。

我就點了隱世白伝食，HKD78，因為愛其湯底有鏗魚粉。

麵和湯+餸是分開上的，原裝的只有1塊印有隱家的紫菜、兩塊叉燒、日本半熟蛋和干荀。

如果大食的你，可以另外追加想食的東東。

雖然叉燒有點薄，但幾有咬口，彈牙的。

日本半熟蛋…我就覺得它生了一點，所以食入手有點生雞蛋的鯹味，但NAN佬食的一隻個黃是全橙色的。

仲有他們有食法教學，就是將面夾入去個湯，讓湯掛在麵上，然後先食，所以個湯的味是偏濃的。

麵的份量都幾多，食到NAN佬都話飽。麵是幾好食，但我們的心都飄去個湯了。

因為食完個麵，可以叫店員加熱清湯，跟住再飲湯。講真我個湯個味幾好，連NAN佬都搶來飲，奈何本身個濃湯不夠熱，所謂的熱清湯也只是溫的，所以令件事失色了一點。

NAN佬叫隱世黑伝，HKD88，主要是大蒜焦味，所以偏咸，比較適合重口味人士。

結帳只用了HKD166，沒有加一，又叫有質素，如果去開深水埗，又想試新店時，可以一去。

歡迎留言或email我capri_yu@yahoo.com.hk