《第二波私房菜》

很開心有朋友樂意齊齊廚，又借出地方，所以又來第二波的私房菜。今次主要是因為EVA一家快要搬家，去一個相距這地方超過1小時車程的地方，所以來個GATHERING。還是老規距，一人負責一點，難聽點講要公平些，不能做死某一些人，但事實真正的目的是我想大家都有份參與個過程，然後大家一齊分享和享受個結果。這會令成個GATHERING更完滿，更投入。

LING LING負責整釀尖椒，很惹味的，就是個魚肉有少少散，鬼叫LING LING去了另一間超巿買，所以大家千萬不要去麗港城百佳買，會中伏的。

LING LING仲做了這個柚子蜜一字骨，還記得最初是我整給他們一家食的，出自LING LING手，個味道又不一樣了，感覺更中式，但我真的好欣賞她打茨汁的功力，總是拿捏得剛剛好。

然後是大廚道家名菜，次次都色香味俱全。先來個冷盤三色蒸蛋，配麻油食的，見到它好靚仔囉！覺得自己似食份子料理似的，口感亦都好分明，完全是食手工，道家覺得它們似麻雀囉！

花雕醉鮑魚，LING LING一家極LIKE，他們仲要了食譜，在奶奶生日當天重做一遍。我和NAN佬就較愛食傳統一點的果皮蒸鮑魚，因為會凍食爽口點，熱食軟身點。

清湯牛腩，當日道家產品中，我最LIKE這個，識食一定要食它！第一他未夠7點就去買牛坑腩，一點都不UN，然後要敦3小時，個湯底正到不得可了，又清又甜。我不單止要求食譜，仲要求把個湯拎走，我第二日加點洋蔥，幾片肥牛和米粉，就變成有點食越南湯粉STYLE，我一滴湯都沒有剩下，全都到我肚裡去。

清炒生菜，可中和下食了很多肉的罪惡感。

蝦乾肉片煲仔飯，雖然道家話他買錯了肉片的位置，但完全無損味蕾，又是惹味之作，連朋友EVA的囡囡都一而再，再而三地要求食飯飯，小朋友的答案是最真實的。而大朋友就搶著食飯焦，我嘛！跟小朋友一樣食飯就可以了，粒粒飯都吸了肉粒，好美味呀！

仲有粟米魚肚江瑤柱湯，是道家媽媽幫手完成的，水準好高，而且好足料，單飲湯都好飽了。

至於我就做了個蝦魚豆角煎餅，我自己試了兩個VERSION，首先真的要自己買新鮮蝦去剁個蝦膠，味道會鮮甜好多。我就蝦魚比例1:1，因為我實在覺得搣蝦殼好通苦。如果做到2:1的話，個煎餅會更味美。鯪魚肉我買現成HKD10，蝦就半斤，配4-6條豆角，會更有口感。如果沒有小朋友食的話，又能食得辣的朋友，加兩隻紅辣椒會更能刺激味覺。先攪勻個蝦膠、鯪魚肉、豆角和紅辣椒，再加隻蛋入去再攪，攪勻後煎便可。如果你不配醬汁食的話，就要在攪勻的過程加少少豉油和糖。若你會配個泰式酸甜醬食的話，不加也可。記得要趁熱食，放涼了會變鯹。

最後，就是我最愛整的甜品，紅酒啤梨。得知道家好LIKE，我都好滿足，所以下次私房菜會再ENCORE。

純粹個人分享，信不信由你。
歡迎留言或EMAIL我capri_yu@yahoo.com.hk