《2個人食剛好既芭蕉樹》

正苦腦不知食什麼好之際，朋友提議我和NAN佬去試下芭蕉樹，其實她都未食過，只是上網瞄過，覺得幾抵食，但我都不顧一切去試下先，因為泰國菜怎樣整也不會太差的。

當日星期六，我和NAN佬都好好彩，最後一張枱都給了我們。他們像是家庭式作業，座位不多，如星期六日來食，最好BOOK位，因為我都見到有人白行一趟的。

他們食品價錢都幾抵，而且沒有加一，但服務起好，就算得一個侍應，也會勤力加水。

特式飲品都是來來去去一樣啦！總之都是凍飲，我決心戒一餐，所以沒有ORDER來喝。

NAN佬就ORDER了個椰汁珍多冰，我估計是好甜的，NAN佬就是嗜甜，正合他心意。

泰式酸辣鳳瓜，HKD49，爽口彈牙，侍應問我們會否太辣，但我和NAN佬一致覺得是太酸。

泰式炸蝦餅，HKD48，一客有六件，我自己就覺得薄了點，欠缺彈牙感，個人覺得若因成本問題，可以把6件改為4件，哪就可以厚一點，食得也爽快一點。

平時我實會叫馬拉盞炒通菜的，但怕會抽筋，所以叫了辣椒蝦醬炒芥蘭，HKD49，好香口、爽脆，只是食到尾尾會有少少過咸。

招牌燒豬頸肉配酸辣汁，HKD49，這個好惹味，仲配個生蝦刺身的汁，PREFECT MATCH，飲恨的是太細碟。

可能價錢平的關係，份量偏細，食完都上面的都仲好空虛，所以叫多碟泰國炒金邊粉，HKD58，不過不失啦！但這碟就好足份量，個DENSITY好高！

雖然碟碟的份量都偏細，但對得2個人來食，細有細好，可以試多點不同的食物，到結帳時，又會和平時大碟的一樣，都幾好。

純粹個人分享，信不信由你。
歡迎留言或EMAIL我capri_yu@yahoo.com.hk