《家常便飯@光波爐4》

我都算是個常開爐煮食的C9，講真如果只得我一個人，我就蒸一條魚，烚一碟菜便可。煩就煩在NAN佬不嗜魚，唯有自己下點功夫間中多做一點，而我心急的個性令我KEEP住用30MIN煮一餐飯。注意我只得一個單頭的爐頭和一個光波爐，就有3餸了。

一入廚房，第一件事要洗手，衛生好緊要，食入肚的。洗好手，就洗米，個飯煲要煮30MIN先熟，我就要開始同時間競賽。所以要先洗好要醃的食材──排骨，然後醃製。因為之前看了大蚊食譜，整香橙柚子骨，好似幾易，所以試下囉！

講真好多時，食譜只是幫手諗食什麼才好，我也很少跟足，我要食自己喜愛的味道嘛！我都用柚子蜜，生抽，油，生粉和米酒醃製。約醃了7-8分鐘，我見我個光波爐預熱好，我就放排骨入去光，光了15分鐘，中間會開蓋反下，等兩邊都可以光到。

 

講真在等光波爐預熱期間，我就洗菜，開慢慢水，C9朋友話開慢水可以省水費，同時可以給我一點打雞蛋的間。打好蛋，洗好菜，就用蒜茸起鑊，加SALT，再放BOILED的水(在打蛋的期間，我已用酒店式的KETTLE滾定熱水，既省時，又省煤氣費)，然後放菜烚，放好菜先加糖。NAN媽話糖可以化農藥喎！

在烚菜時，就切火腿，一烚好菜，我就蒸水蛋了。本身個鑊的水已是BOILING
WATER，所以好快都食得。

在蒸的時候，我就拎橙搾汁，我本來是有拆橙內，諗住令個賣相更好，只可惜在我等的途中，已給我吃掉了…哈哈！近廚得食是有來源的…蒸好蛋，就洗一洗個鑊，然後用少少油，蒜茸，蔥起鑊，再加入柚子蜜和橙汁煮，煮到覺得個汁都熱，我就放光波爐的排骨入鑊兜幾下，就上碟了。

味道酸酸甜甜的，都幾好，但是排骨有點UN…尚有改善的空間…但這樣的流水式煮食，可以做到飯熟餸熟，都幾好。講真我不打算做個入得廚房的人，只是我想食得開心，唯有加把勁吧！

歡迎留言或email我capri_yu@yahoo.com.hk