《天氣凍懶得煮，出外用膳@墾丁茶房》

這陣子天氣一直凍冰冰，我就由一星期煮最少三餐變成不多於三餐，不下廚，就唯有外出用膳。而選擇的食店定必近自己所居住地方，就是屯門，今次去了墾丁茶房。

老實講，經過這個餐廳N次，次次都被它簡潔舒適的環境所吸引，但奈何次次都看不到人家在食什麼，所以一直沒有內進。

他們有9款DINNER SET，總會有一款適合自己胃口。

因為我們有兩個SET，所以一個跟蛤蜊清湯，一個跟是日小食。湯的味道都幾清，但感覺有點味精和PEPPER，我不太愛PEPPER味的，但個湯有兩隻肥美的蛤蜊，超級新鮮和美味。

而是日小食是個木耳+黑醋+麻油+芝麻+蒜，沒有什麼特別，看上只有細細份，但原來個小碗的容量都幾多。

NAN佬要了個甜酸鳳梨魚柳配珍珠飯，個賣樣幾精緻，沒有想過在屋邨商場找到一間重視視覺享受的食肆。

份量就是細細，幾惹味的，如果個魚柳可以厚少少會更好，我實在是在食魚片。

我就食宜蘭雞飯，幾香雞味，啖啖肉，我估計是用雞扒做的，但做到嫩滑可口，實在難得。最LIKE的是有菜伴碟，而且一點都不油，仲有個底用了豆卜去墊，豆卜吸引了雞油，食入口特別香，只是會令我肥肉一直長的原因。

一個其貌不揚的白米飯居然是用珍珠米，特別好咬，韌韌UN UN，飯味十足，連零飯癮的我都能KO一整碗。

跟餐送熱珍珠奶茶，但我不飲的，我加錢轉了個凍柑桔檸檬綠茶，味道不錯。

總括而言，這間主題式餐廳用料是有質素，服務又勤快，價錢合理，不加一，結帳先HKD99。講真去個大快活，大家樂或美心，食一食的價錢差無幾，但現在我不用自己去排隊點餐，不用自己去排隊取食物，仲要有人幫我安排座位。同一價錢，我找不到理由再去食大型連鎖快餐店了。

歡迎留言或email我capri_yu@yahoo.com.hk