我是個大閘蟹愛好者，最癲峰時，可以一星期食一次。現在學會了適可而止，而今年我仲居然一直未有時間去食，直到昨天，我個口已忍不住了，衝去鴻星歎一歎先。
由於NAN佬不是愛好者，所以就食個最平的餐，仲要8:30入座有8折，賣單HKD715。
對花彫沒興趣的我們，就要了果汁。
單單望住SET餐具，我就已經好興奮。
在等食前，就食下這個小食，上面是魚仔，下面是花生，8成NAN佬KO調，可能配啤酒會更好。
酒糟醉鴿，是個冷盤，味道都OK，我估是隻BB鴿，沒有太多肉，但雙對來說，肉質就嫩口一點。
蟹粉蝦仁羮，好鬼鮮甜，如果可以無限次添飲，就好了。
金粟帶子扒翡翠，全個SET中最難食，帶子沒有帶子味，個菜又「UN」，又咬不開，仲有少少臭青味。
蟹粉小籠湯包，個包是厚了點，也較粗糙，但見到入面盛著濃湯，就把個皮的缺點忘得一乾二淨。入面餡料勁足，連平時NO COMMENT的NAN佬都讚鮮味十足。
每人3隻江蘇大閘蟹，兩皇一后，不得不讚下出蟹的安排。好多地方如你叫6隻蟹，見你得2個人也好，都會一下子出6隻，但在鴻星食，是按住人頭上，會2隻2隻上給我和NAN佬，仲會就住我們的時間上，等我們歎完一隻，先會再上，確保隻隻都熱騰騰。今次運氣幾好，隻隻都幾多膏，有軟有硬的，但啖啖醇香可口，我超ENJOY，仲想快點去食多次。
飄香臘味飯，一點都不油，雖算不上好正，但比稻香和富臨的出色。
精美甜品，甜品有驚喜，是合桃，雪耳，紅棗，龍眼肉，仲有紅色好大粒的豆，我和NAN佬都覺得好正，想添飲。
最後，會奉上薑茶，YUMMY。
歡迎留言或EMAIL我capri_yu@yahoo.com.hk
沒有留言:
張貼留言