《今次試埋個晚飯》

之前去囍運飲茶(詳文，請按我)，今次兩公婆去食個小菜晚飯，我只能說它將會是我兩公婆的御用飯堂，味道OK，價錢OK，又就腳，行過去都不用5分鐘，仲要不用等位，更不會催你離開。先來兩張MENU，讓大家有個價錢的REFERENCE。

前菜，花生一碟，不太脆，但都幾好味！承惠HKD10。

半邊大漠風沙雞半隻，我覺得是升級版的炸子雞，講真幾好食，成碟KO了，仲要不用錢的，2-4位送半隻，5位以上送1隻，當然要堂食先有啦！

蝦醬鮮魷通菜，HKD60。味道正常，我最欣賞他們的烹調方式。平時出面食會見到油淋淋，食完仲會好似搽了LIP GLOSS。但我見到他們好明顯是少油，有點像在家食的一樣。

臺灣青仔一條約1斤，HKD68。我就是衝著這個而來，我是個魚精，最愛食魚。我覺得好抵食呀！雖然魚味不是很濃，但魚肉好滑，我差不多一個人食了一條，有夠誇張，條魚都長過隻筷子架！

食完仲要送糖水給你，紅豆沙來的。它是水狀一點，不像出面食的杰撻撻，所以我很喜歡，感覺個糖水是新鮮煲的，不會像出面煲完又煲的糖渣。

最後，結帳才HKD184.8，因為NAN佬叫了個白飯，HKD10，茶位HK10一個，仲有加一，但不論我怎樣計都是抵食的。因為在茶餐廳食兩個小菜套餐，都要HKD120左右，仲要細細碟，我現在大大碟，仲要有三碟和食到海上鮮喎！大爽了！我的新飯堂呀！