我們例牌叫了招牌脆炸單骨雞翼，薄切三文魚片配泰式辣汁，秘製辣肉醬手包粉卷。食物質素好好，而且在又一城這間分店做的單骨雞翼比其它分店更JUICY。
我愈食愈覺得去得GREYHOUND必點軟殼蟹沙律配蜜糖芥末醬，因為個蟹啖啖肉得來，仲要有膏，而且炸得外面脆得來，入面仲有汁，在座的朋友個個都LIKE。
仲有一個遲來的頭盤──脆炸粟米蟹肉餅配甜酸醬，之前在旺角分店只食到粟米味，今次食到蝦肉味，但未知蟹肉味幾時會做出來，可能要試多幾間分店就得。不過，都好食，因為人家未影相，朋友就搶食了…
主菜叫了泰式鹹魚乾辣椒意大利麵，KEEP住泰式，個意大利麵偏硬身，朋友話似食橡筋。泰式河蝦冬蔭公湯河粉個湯底好鮮味，經理話是用好多種不同的蝦烹調出來的。而個香草辣椒炒雞肉碎配白飯，朋友話好好食，奈何不太愛食飯，所以沒有什麼COMMENT。
我們一致最LIKE都是泰式炒金邊粉，所以叫了N個，它粉又彈牙，食落又惹味，隻蝦又夠FRESH+大隻。
最後食甜品，我叫了個野苺千層蛋糕，好幼滑，而且野苺個酸甜味，令成件CAKE食完都不會飽飽滯滯。
坐在隔離個FD食香蕉榛子芝士蛋糕，我都有搶一些來食，芝士味甚濃，如果個CHEESE位做高一點，或個餅底做薄一點，個比例會PERFECT MATCH一些。
然後再飲杯藍蘭豆甜菊茶，所以成餐飯的句號。
就這樣，傾下講下，就笑了一晚，食到不捨得回家囉！
歡迎留言或EMAIL我capri_yu@yahoo.com.hk
沒有留言:
張貼留言