《大閘蟹@富臨》

我星期5又去食大閘蟹了，本來打算東海的，但NAN佬發現荔枝角長沙灣廣場的富臨有PROMOTION，仲要有我想食的大閘蟹和蛇羹，所以轉會去富臨。

秋之選蟹宴，HKD198/位，所有的食物都是位上的，勁似食西餐。

當日坐無虛席，9成9都是食這個餐，亦有部份人散叫。

首先是主角，一人兩隻太湖大閘蟹，都幾大隻，估計有5両。

雖然我忘了影蟹膏相，但我清清楚楚記得蟹膏不及我在稻香食的多，亦比較硬，可是在富臨的食的蟹味比稻香更鮮甜味美。

當食到7788，就送上大史五蛇羹，味道不錯，只是我覺得不太足料，因為我本時一食蛇羹，只要食到第3SPOON，個人就會發滾，但今次零反應，可能落得太少蛇了。

之後又上了枝竹扣羊腩，可能羊腩有點肥，所以有丁點的羶味，但我尚可接受，一整碗KO了。

法式焗元貝，這個最失色，根本是咖喱焗菌、蟹柳、元貝碎粒，但食不出鮮味，而咖喱味。

鮑汁灼時蔬，一人有兩小棵，但我和NAN佬覺得兩份加起來，才是一整棵生菜，若然可以多一棵會更好。

臘味糯米飯，雖然油淋淋，食到我個咀好似搽了LIP GLOSS一樣，但好好味。就算我飽到頂上心口，都食了一半。

杞子桂花糕，味道好清，只有少少甜味，而食的時候會嚐到杞子、桂花味，不像出面有些店做得只有一個「甜」字。

合時鮮果，西瓜淡而泛味，菠蘿酸酸甜甜，我和NAN佬爭食添呀！

食到飽飽，賣單先HKD469，抵到爆！

歡迎留言或email我capri_yu@yahoo.com.hk