《吹水@BENE PIZZA + PASTA》

人大了，時間少了，所以安排GATHERING時，已甚少攪戶外活動了，大家都怕熱，怕出斑，所以現在多數去食飯，今次去了BENE PIZZA + PASTA。

先到的人，就去攞定位，環境都幾好，安靜舒適。

意大利雜菜湯，HKD48，遠遠都索到個香味，令我把口蠢蠢欲動。平時的雜菜湯都是紅色，今次是綠色，個湯入面好多料，仲有幾條餅乾條踏撘配。飲落個味不夠嗅到個味濃，如果諗住用餅乾條點湯食的話，個湯又不夠杰身，餅乾條沾不上湯，但清清地飲都OK。

烤燒意大利肉丸配蕃茄及蒙莎里拉芝士，HKD48，一客得3粒，太少了吧！我自己挑了一粒最少蕃茄醬和最多芝士的來食，覺得個味道幾夾，如果可以做到個肉丸更彈牙，我會更LIKE。

沙律一個，條煙肉好脆，如果再多一條我更LIKE，鬼叫我是食肉獸。

自製意大利天使麵配鮮蝦香蒜辣蕃茄醬汁，HKD108，個麵的質地好得意，可能我LIKE淋，所以覺得怪怪的，但是個蕃茄醬酸得來有點辣味，幾醒神可口。最難得的是多蝦，隻隻都爽口彈牙。

鮮蜆香蒜白酒番茄汁扁意粉，個白酒味不太突出，但蜆肉粒粒飽滿，帶點鮮甜味。

意大利火腿，貢哥蘇拉芝士及芝麻菜，HKD128，如果LIKE HAM的你，必試，芝士味又夠濃，仲要做到拉絲效果，會令HIGH HIGH的。

不過，我就不太LIKE上面的草，我估是「芝麻菜」，我覺得太苦了，但如果夾住HAM食都尚可接受，但我PREFER TAKE OUT個芝麻菜先食。

朋友ORDER了荔枝汁加香茅生薑及雪碧，話幾好飲。

我自己就要要個野莓汁配檸檬葉及接骨木花，酸酸地，又FRESH，FIT我口味，它仲要有少少果肉，多重口感，將個飲品增加了層次，正！

最後，來到甜品，愛好朱古力的朋友就食榛子朱古力棒，HKD58，我估它外層是dark chocolate，內層是chocolate 榛子mosses，紅色是個野莓醬。而我自己就覺得它超似繽紛樂的味，即是好味，哈哈！

我就要一個野莓慕絲蛋糕配紅莓汁，HK48，單單賣相已令我心花怒放，味道不太甜，帶少少野莓的酸味，令肚滿腸肥的我又再開胃AGAIN。不過，因為它太多汁，個CAKE會變得濕了一點，但我仍然LIKE它，呵呵！

就這樣我們就抱住個脹肚皮離開，並期待下次飲局。

歡迎留言或EMAIL我capri_yu@yahoo.com.hk