2013年8月20日 星期二

《大眾化價錢食意日菜@意樂》

我間中都會過良景商場行下,有次迷路,經過一間餐廳出面,感覺都幾簡約舒適,我就跟NAN佬說找天來試試看。





因昨天去做TREATMENT,回到家自己會放了點,就出去搵食,而NAN佬往往都會記住我講過的說話,話要去意樂食DINNER,所以我就試了第一次。





本來沒有打算出文介紹,但是真是覺得有質,又好味,不得優先處理。我當時太餓,所以99ORDER2SET,個名都幾得意,叫做「帶您2人夜遊各國美食」。





個餐本身跟餐湯或熱飲,我和NAN佬都要了餐湯,照舊一紅一白。兩個都做得幾好,足料濃味,個白湯是粟米忌廉來的,我是GOOD GOOD聲勁快飲。





日式清酒煮活蜆,幾新鮮,清甜,沒有沙,但個別2-3隻有少少泥味。





意式牛肉漢寶比薩,不算太出色,因CHEESE味不夠香,但叫做合格。





日式照燒汁3A牛柳粒炒飯,超好味!食到我和NAN佬未停過口,仲要一粒米都沒有得留底我下次一定會ENCORE





重點是這餐只食了HKD108,沒有加一,超抵食,仲要有人SERVE自己!





如果意樂開多幾間,我相信大家樂,大快活,美心等同價的快餐店會給意樂搶客。不過,我都不應該用他們來比較,因為個食物質素和服務態度都不同一個層面。而NAN佬就話好過去椰林閣食,雖然我認同,但心諗椰林閣要貴一倍,但要食物一般,WAITORWAITRESS只有一個字「唉」!



 



歡迎留言或emailcapri_yu@yahoo.com.hk


1 則留言:

  1. 連出兩篇飲食blog,評價有好明顯的分別。
    一間食店食物質素與入座率的關係是很密切,上班族放飯最重要快靚平,貴少少不是問題,但質素差便影響下午工作的心情了。街坊生意的當然平民化,而最重要要留住食客的心,始終客源不會多。
    [版主回覆08/22/2013 21:46:29]先出好食~因為真係好岩我口味~~而且覺得好有質~所以好想多D人知~!跟住咁岩同同事去食一間好有期待的店...點知佢係無味~所以我米要大大聲講阻止D人去LAW

    回覆刪除